admin
پاکستان ٹیم کے سابق کپتان انضمام الحق کا کہنا ہے کہ محمد یوسف نے دنیائے کرکٹ کےلیجنڈ برائن لارا کو
اسلام قبول کرنے کی دعوت دی تھی۔ سماجی رابطے کی ویب سائٹ ٹویٹر پر انضمام الحق کی ایک تقریب میں شرکت کی
ویڈیو شیئر کی گئی ہے جس میں انھوں نے محمد یوسف کی جانب سے دنیائے کرکٹ کے ریکارڈ ساز بیٹسمین برائن لارا کو دی جانے
والی اسلام کیدعوت سے متعلق انکشاف کرتے دیکھا جاسکتا ہے۔ انضمام الحق کے مطابق محمد یوسف نے کراچی میں ہونے والے ٹیسٹ میچ کے
دوران سابق ویسٹ انڈیز کپتان برائن لارا کو کھانے پر بلایا تھا جس کے پیچھے محمد یوسف کا مقصد برائن لارا کو دین کی تبلیغ دینا تھا، سابق قومی کپتان
کا کہنا تھا کہ دعوتکے دوران برائن لارا کو بتایا گیا کہ” کس طرح ہم اللہ تعالیٰ کی بات مانتے ہیں کس طرح ہم نبی پاک کے احکامات پر عمل کرتے ہیں کس طرح ہم ماں باپ کی خدمت کرتے اور کس طرح بیوی بچوں کے معاملات نبھاتے ہیں، کس طرح پڑوسیوں اور کس طرح کاروبار کو لے کر چلتے ہیں”۔ سابق چیف سلیکٹر نے بتایا کہ محمد یوسف کی جانب سے دی گئی اسلام کی دعوت پر برائن لارا خاموش ہوگئے تھے۔
